وزیراعظم شہباز شریف نے کہا ہے کہ حکومت نوجوانوں کو روزگار کے بھرپور مواقع فراہم کرنے اور ان کی اسکلز ڈیولپمنٹ کے لیے بہت سے منصوبوں پر کام کر رہی ہے۔
وزیراعظم شہباز شریف سے ینگ پارلیمنٹیرینز کے وفد نے ملاقات کی.
اس موقع پر وزیراعظم نے کہا کہ ہم نے نئے مالی سال کے بجٹ میں عام آدمی کو ریلیف دینے کے لیے بھر پور اقدامات کیے ہیں۔
وزیراعظم نے کہا بجٹ میں آئی ٹی کے شعبے کے فروغ کے لئے سو ارب کے تاریخی فنڈز رکھے گئے ہیں۔
حکومتی اداروں میں اصلاحات اور ریاستی ملکیتی اداروں کی نجکاری حکومت کی ترجیحات ہیں جن سے ملکی خزانے پر بوجھ کم کیا جا سکے گا۔
